Tut quels che han cumpleniu 20 onns.

Las taxas d’utilisaziun dependan dil gener d’utilisaziun. Tut ils detagls anfleis Vus els documents Reglament d’utilisaziun ed uorden da taxas.

Suenter ch’ins ha empleniu il formular da reservaziun ei la Tegia reservada provisoricamein per Vus. Suenter quei pass retscheveis Vus cun posta il quen cul scret da pagament. Schi prest ch’il pagament ei fatgs, vala la reservaziun sco definitiva. Sch’il quen ei buca pagaus enteifer il termin da pagament da 10 gis suenter la consegna, vegn Vossa reservaziun annullada.

La surdada e la surprida dalla Tegia fa il guardiacamona, e quei mintgamai sil plaz allas 11.00 (surdada) e 8.00 (surprida), ni tenor cunvegnientscha. Eventualas consumaziuns ein da pagar en bar al guardiacamona duront la surprida.

«Reservaziun provisorica» munta ch’in auter interessent vul prender si la Tegia il medem mument sco Vus. Bugen mettein nus Vus silla gliesta da spetga. Nus informein Vus sil pli tard enteifer 3 jamnas cun in e-mail, sche nus savein reservar la Tegia definitiv per Vus.

Igl access ei lubius mo cun ina lubientscha da carrar, quella retscheiva il fittader ensemen cul quen (max. 3 ex.). In access d’unviern senza impediments tier la Tegia sa buca vegnir garantius en mintga cass. Parcadis cun obligaziun da pagar dat ei en diember limitau tiel parcadi public sper l‘ustria «Straussennest».

Damai che la pintga cuschina dalla Tegia ei buca concepida per «grondas cuschinadas» cussegliein nus da far diever d’in survetsch da catering. Grillar alla fueina publica ei lubiu resalvond las disposiziuns dil cantun Grischun pertuccont il scamond da far fiug. Grillar silla terrassa dalla Tegia ei scumandau per motivs dalla polizia da fiug.

Na, ei dat neginas pusseivladads da pernottar.